Ein Dialogausschnitt aus dem Drehbuch:

SPEISEWAGEN I / T

Ein Kärntner in Tracht (50) unterhält sich mit einer Dame aus Wien (45). Sie nippt von Zeit zu Zeit an einem Mineralwasser, er hat vor sich ein Bier stehen.

DER KÄRNTNER
Jo, i fohr do zum Fototreffen noch Wien, wissen S´, i bin Natur-Photograph...

Die Dame aus Wien sieht einen zusteigenden Betrunkenen angewidert an, wendet sich aber mit einem Lächeln wieder an ihren Gesprächspartner, den Kärntner, der ein gepflegtes dunkelgrünes Naturwalk-Sakko und graue Pluderhosen trägt und nahezu beängstigend gebräunt ist.

DAME AUS WIEN
Jo, Natur, Kärnten, ja, eh klar, das passt. Also, wie ma da jetzt am
Wörthersee waren, schön war’s. Aber stellen S´ Ihnen vor, also, do hätt mi
doch fast a Radlfahrer zsammgführt ...

DER KÄRNTNER
Des glaub i Ihnen aufs Wurt. Do sein jo unglaubliche Rowdies
unter denen Radlfahrer.

DAME AUS WIEN
Früher war des ganz anders und vor allem viel gesitteter. Aber heute?
Wenn i da am Stadtrand von Wien spazieren geh, und do zischt am Radlweg
so aner vorbei, do hebts mi jo fost aus. Also, i find, des sollt ma unterbinden,
die Radlweg do neben die Fußgänger anlegen.

DER KÄRNTNER
Na ja, sicherlich, man will ja sei Ruh haben, net woahr.

DAME AUS WIEN
Wissen S´, die Autos stören mich gor net, die haben auch ab und zu
was Beruhigendes, aber so a rücksichtloser Radlfahrer, na !

DER KÄRNTNER
Schaun S', es is ja am Land genauso. Die Radlfahrer schrecken jo vor nix zruck, und fohrn do auf Straßen, die anfoch zgfährlich für se san. Zum Beispiel, bei uns auf der Saualpen. Do hob i klane Hittn durt oben. Na, wenn i do die Bergstraßn mitn Jeep obifohr, und dann kummt ma no a Radlfahrer entgegen ...Do hasts nur: i oder er!

DAME AUS WIEN
Des glaub i. Und so an Radlfahrer, wenn der entgegen kommt,
den hört ma ja net amol ...

DER KÄRNTNER
Na, wos sog i Ihnen, wenn do ana kummt, kannst nur a Vollbremsung machen,
und wenn´s die schleudert, meiner Sö ...

DAME AUS WIEN
Tot könnten S' sein ...

DER KÄRNTNER
Na ja, des Auto is mit Sicherheit hin. Wos do fia Bam hot bei uns auf da Saualpen.
I sog Ihnen, wias is: entweder du fohrst indn Bam, oder du fohrst indn Radlfahrer.

DAME AUS WIEN
Direkt a Risiko.

DER KÄRNTNER
Na jo, des wichtigste für an guatn Autofahrer is, dossa auf da Stroßn bleibt.

DAME AUS WIEN
Guat, de Radlfahrer san eh schon guat ausgrüstet heutzutag, mit de
Helm und so.

DER KÄRNTNER
Jo, des scho, oba des Gerät söba, des holt jo nix aus. Wos glaubns, wie schnö
des zomgeht, wenn S´ in an einifahrn. Na jo, und wenn da Radlfahrer amoi
fuchzg Meter fliagt, hüft der Höm aa ni ma vü.

DAME AUS WIEN
Jo, sogen Sie, haben Sie wirklich schon so an ... Unfall ghobt ?

DER KÄRNTNER
Na jo, davon red i jo die ganze Zeit. Schrecklich, schrecklich ... und die ganzen
Scherereien, de wos wir no ghobt haben, mit de Angehörigen. An und für sich
wor i jo guat versichert, net woahr, do hots kane Probleme geben, de hom olles
ü bernommen, Begräbnis erster Klasse, des wor daunn eh zur allgemeinen Zufriedenheit ...

DAME AUS WIEN
Jo furchtbor. Und die Schuldfrage ?

DER KÄRNTNER
Nana, des wor a ganz a klarer Fall. Der Radlfahrer is bergauf gfohrn und direkt
in mi eini. I hob gor nix mochn kennen, net amol bremsen hob i mehr kennen. Da Inspektor hot des olles aufgnommen, und den Rest hot da Rechtsschutz gmocht. Bei uns kennt jo jeder jeden. Do hob i mi gor nimmer kümmern miassn, sofort homs den Schaden am Auto bezahlt.

DAME AUS WIEN
Das muß ja schrecklich sein, wenn einem so ein Mensch aufs Auto fliegt.

DER KÄRNTNER
Na, i hob no a Glick ghobt, wal der Radlfahrer is direkt über mi drübergflogn.
Oba früher amol, do is ma a Reh ins Auto grennt, na, des wor a Katastrophe.
Totalschaden am Auto, und i unterversichert, net woahr. Do homs mir nur den
Zeitwert ersetzt. Na, do hob ma gsogt, jetzt schließ i des Kasko o ... Und wos is?
Recht hob i ghobt.